2014-cü ilin sentyabrın 20-dən etibarən Naxçıvan Muxtar Respublikasına səfər edən İran İslam Respublikası vətəndaşları üçün sadələşdirilmiş keçidin tətbiqinə başlanılıb

2014-cü ilin sentyabrın 20-dən etibarən Naxçıvan Muxtar Respublikasına səfər edən İran İslam Respublikası vətəndaşları üçün sadələşdirilmiş keçidin tətbiqinə başlanılıb.

İran vətəndaşları Naxçıvana sərhəd-keçid məntəqələrində 10 avro müqabilində rəsmiləşdirilən və muxtar respublika ərazisində 15 gün qalmaq hüququ verən giriş icazəsi əsasında səfər edə bilirlər.

Həmin giriş icazəsini İran İslam Respublikası vətəndaşları Naxçıvanın İranla sərhəd olan Culfa və Şahtaxtı (Poldəşt) gömrük keçid məntəqələrində, Naxçıvanın Türkiyə ilə olan Sədərək (Dilucu) gömrük keçid məntəqəsində, eləcə də Naxçıvan Beynəlxalq Hava Limanında ala bilərlər.

Sözügedən giriş icazəsi yalnız Azərbaycanın Naxçıvan Muxtar Respublikası ərazisinə səfər etmək hüququ verir.